Os edificios residenciais participantes no proxecto obterán as seguintes contraprestacións directas:
Realización gratuíta do certificado enerxético segundo o Real Decreto 390/2021, de 1 de xuño utilizando as ferramentas definidas e homologadas para isto.
Tramitación e rexistro telemático dos certificados na plataforma do INEGA, xerando a etiqueta da situación actual.
Listaxe das 10 medidas principais de mellora, sinalando o importe aproximado de investimento e aforro enerxético.
Pola súa parte, as vivendas participantes contarán cos seguintes beneficios directos:
Información a través da aplicación web sobre datos de consumo (de, por exemplo, electricidade ou gas natural) e condicións de confort (como pode ser: temperatura ou humidade relativa no interior da vivenda) de forma horaria, diaria, mensual e anual.
Informe sobre as posibilidades de mellora na contratación enerxética, avaliando as posibles accións de mellora e o grao de aforro enerxético e/ou económico.
Os inmobles cuxas actuacións de rehabilitación enerxética sexan obxecto de monitorización a través deste proxecto, e os que posteriormente opten por facelo polos seus propios medios, incorporando igualmente a información xerada á plataforma municipal deseñada dentro deste proxecto, poderán optar a maiores axudas (en porcentaxe sobre o orzamento protexido e nas cantidades máximas correspondentes por vivenda) nas seguintes convocatorias de subvencións municipais para a súa rehabilitación enerxética.
Ademais, a monitorización enerxética será criterio de prioridade na clasificación das actuacións que opten ás subvencións.